Маскоўскі мэтрапалітэн падаў пазоў да апазыцыйнага палітыка Аляксея Навальнага і да некалькіх незарэгістраваных кандыдатаў у Маскоўскую гардуму. Пра гэта гаворыцца ў картцы на сайце судоў Масквы.
Пазоў падалі ў Копцеўскі раённы суд. Адказчыкамі, акрамя Навальнага, пазначаны незарэгістраваныя кандыдаты Юлія Галяміна, Уладзімір Мілаў, Іван Жданаў, Аляксандр Салаўёў і Ільля Яшын, а таксама кіраўнік маскоўскага штаба Навальнага Алег Сьцяпанаў. Сума і сутнасьць прэтэнзій мэтрапалітэну да апазыцыянэраў пакуль невядомыя.
Яшчэ тры пазовы да апазыцыянераў у Маскве падала кампанія «М. Такси Коммуникации». Адказчыкамі па іх таксама значацца Ільля Яшын, Юлія Галяміна і Аляксандр Салаўёў, пазоў пададзены ў іншы раённы суд — Тушынскі.
«Суд пакуль не прыняў рашэньня аб тым, прымаць ці не дадзеныя пазоўныя заявы да разгляду», — цытуе ТАСС словы прадстаўніка суду.
ГЛЯДЗІЦЕ ТАКСАМА: Каб даць ход справе жыхароў супраць цэлюлёзнага заводу, суд патрабуе 370 тысяч рублёў пошліныРаней яшчэ адзін пазоў да арганізатараў няўзгодненага мітынгу ў Маскве 27 ліпеня падаў рэстаран «Арменія» кампаніі «Анкор». Там ацанілі шкоду за закрыцьцё ўстановы ў дзень акцыі на 550 тысяч расейскіх рублёў (больш за 8 тысяч даляраў). 9 жніўня стала вядома, што кампэнсацыі шкоды ад апазыцыянэраў патрабуюць прадпрыемствы «Мосгортранс» і «Автомобильные дороги». Яны таксама падалі пазовы да ўдзельнікаў пратэстнай акцыі 27 ліпеня і запатрабавалі пакрыць шкоду, якая нібыта была нанесеная гарадзкой маёмасьці на суму ў 12,5 мільёнаў расейскіх рублёў (каля 190 тысяч даляраў).
ГЛЯДЗІЦЕ ТАКСАМА: «Будзем зьвяртацца ў Канстытуцыйны суд». Яшчэ аднаго заяўніка аштрафавалі за Дзень ВоліУ Маскве зь сярэдзіны ліпеня працягваюцца пратэсты, зьвязаныя з тым, што гарадзкі выбаркам не дапусьціў да выбараў у гарадзкую думу больш за два дзясяткі незалежных кандыдатаў, не зьвязаных з партыяй улады.
ГЛЯДЗІЦЕ ТАКСАМА: Ці мусяць плаціць міліцыі арганізатары рэлігійных і дабрачынных мерапрыемстваў